حل مشكلة الكيبورد والتاتش باد لا يعملوا نتيجة تسطيب افاست

السلام عليكم ورحمة الله وبركاته

دا حل للناس اللى بعد ما سطبت برنامج افاست انترنت سيكوريتى الكامل وعملت اعادة تشغيل للجهاز وجدوا ان الكيبورد والتاتش باد لا يعملوا :

1. افتح run ثم اكتب regedit.exe
2. افتح قائمة file واعمل export واختار المكان اللى حتحفظ فيه الملف وسميه مثلا regedit backup
وهذه الخطوة عشان ناخد نسخة احتياطية من ملف الريجسترى عشان لو حصل حاجة غلط لا قدر الله تقدر ترجعه مرة اخرى
3.بعد ما اخدت backup  افتح قائمة edit واختار find واكتب  kbdclass ودوس انتر
طبعا هنا حيدور على اى حاجة اسمها kbdclass
حيجبلك نتائج دور على النتيجة اللى اسمها upperfilters وخالى بالك لازم يكون اسمها كده لو جابلك حاجة تانية افتح قائمة edit مرة اخرى واختار find next
4. دلوقتى جابلك النتيجة اللى اسمها uperfilters حتلاقى فى خانة ال data مكتوب حاجات كده وفيها كلمة kbdclass عدلها انت وخليها kbdclass بس 
5. بعد ما تعدلها افتح قائمة edit  واختار find next وافضل دور على النتائج اللى فيها upperfilters وتعدلها بالطريقة اللى قولنا عليها لحد ما الريجسترى يقولك ان كل النتائج خلصت 
6.اقفل ملف الريجسترى وافتح device manager واعمل uninstall للكيبورد والتاتش باد اللى اصلا حتلاقى عليهم علامة error وان فيهم مشكلة 
7. اعمل اعادة تشغيل للجهاز المفروض حتلاقى الكيبورد والتاتش اشتغلوا وان الكمبيوتر عملها تسطيب تانى 

وبكده المشكلة اتحلت 
طب حتقولى وانا انفذ الخطوات دى ازاى والكيبورد والتاتش مش شغالين حقولك 
وصل ماوس usb وحتلاقيها اشتغلت وافتح الكيبورد onscreen وحتلاقيها فى start ---accessories -- ease of use ---- keyboard on screen

الحل دا تمت تجربته على ويندوز 7 -- 64bit واشتغل تمام 
والحل من الموقع دا http://blog.ryantadams.com/2008/01/18/keyboard-not-working-due-to-missing-or-corrupt-drivers-code-39/
الخطوات ال manual 
واى سؤال فى الخدمة :)