السلام عليكم ورحمة الله وبركاته
نصيحة منى ياريت محدش يسطب برنامج partition magic 8 الخاص بتقسيم الهارد ديسك على ويندوز 7 او اعلى لان فيه مشكلة توافق مع الانظمة الاعلى من xp
والاحسن طالما فيه مشكلة بلاش نستخدمه خالص , انا استخدمته على xp وكان شغال كويس جدا بس لما جربته على win 7 تسبب فى مشكلة حقولكم دلوقتى على اعرضها وعلى فكرة فيه برامج كتيير كويسة لعمل تقسيم للهارد ديسك خاصة بويندوز 7 بس بلاش partition magic 8
اعراض المشكلة :
لو كنت بالفعل سطبت البرنامج على ويندوز 7 او اعلى ممكن تجد الاتى:
1. اثناء التسطيب البرنامج حيطلع رسالة عدم توافق زى دى :
2. ممكن تجد مشكلة فى partition اللى تم تسطيب البرنامج عليه زى ازالة الحرف الخاص بالpartition وبكده حيكون فيه مشكلة فى انك تدخل الpartition دا مرة اخرى
3. ممكن يحصل مشكلة فى نسخة الويندوز وتقع
حل المشكلة :
1. طبعا الوقاية خير من العلاج فبلاش تسطب البرنامج من الاول وتجرب
2.لو سطبت البرنامج وحصلت معاك مشكلة من المشاكل اللى مكتوبة فوق لو البارتشن اللى فيه المشكلة عليه بيانات وانت مش عارف تدخل وخايف على البيانات دى
وصل الهارد slave على جهاز تانى وانقل البيانات بتاعتك احتياطى على مكان تانى
استخدم برنامج اسمه testdisk هو برنامج مجانى وبيستخدم فى اصلاح partitions و دا الموقع بتاعه ممكن تحمله منه
TestDisk
"بصراحة لم اجربه فلو جربته دا حيكون على مسؤليتك الشخصية"
3.لو حصلت مشكلة فى نسخة الويندوز ووقعت تسطب نسخة جديدة , ولو البارتشن اللى عليه النسخة زى c عليه بيانات مهمة انت عايزها ممكن توصل الهارد slave زى ما قولنا قبل كده وتنقل البيانات
او تستخدم اسطوانة herins boot ويكون معاها windows mini حتدخلك على الويندوز من خلال الويندوز مينى وتنقل البيانات من بارتشن c الى اى مكان تانى
او تستخدم اسطوانة لعمل backup زى acronis او norton ghost وتاخد backup من الملفات اللى فى بارتشن الc وتضعه على اى بارتشن تانى
او لو كنت خلاص سطبت النسخة ممكن تستخدم احد برامج files recovery ودا انت وحظك البيانات ترجع او لا او ممكن بعضها يرجع
دى بصراحة كل الحلول اللى انا اعرفها ولو فيه اى سؤال او تعليق ياريت تكتبوه وانا حجاوب عليه ان شاء الله :)
0 التعليقات:
إرسال تعليق